Детская библиотека

Сэтинньи ыйга оҕо библиотекатыгар бэлиэ түгэннэргэ анаммыт, ону сэргэ былааннаммыт үлэлэр тэрээһиннээхтик аастылар. Сэтинньи ый 25 күнэ — Олоҥхо күнэ. 2005 сыллаахха ЮНЕСКО биһиги сахалар олоҥхобутун аан дойдуга киһи аймах айбыт биир чулуу, чаҕылхай уонна хатыламмат айымньытынан ааттаан туран, симэлийэр, умнуллар кутталга киирбит эпос буолар диэн араҥаччылыырга быһаарыммыта. Онон 2006 сыллаахха Саха республикатын президенин В.А.Штыров уурааҕынан сэтинньи ый 25 күнэ Олоҥхо күнүнэн биллэриллибитэ.

Олонхо – саха норуотун тылынан уус – уран айымньытын саамай үрдүк чыпчаала, үйэттэн үйэлэр тухары көлүөнэттэн көлүөнэҕэ бэриллэн испит дириҥ ис хоһоонноох айымньыта буолар.
Олоҥхо киһи чиэһин үрдүктүк тутарга, киһини сыаналыырга, норуот үгэстэрин, сиэрин — туомун тутуһарга, ыччаты күүстээх – уохтаах, дьулуурдаах буоларга, сиэргэ – майгыга иитэр.

Бу күҥҥэ анаан С. А. Новгородов аатынан Чурапчы орто оскуолатыгар уонна «Час с книгой» куруһуокпут оҕолоругар анаан «Олоҥхо эйгэтэ » билиһиннэрии чаастарын, «Олоҥхо оонньуута» интерактивнай оонньууну ыыттыбыт уонна «Олоҥхо алыптаах эйгэтэ» кинигэ быыстапкатын туруордубут

О5о библиотекатыгар Бүтүн Арассыыйатааҕы «Символы России. ВОВ: Путь к Победе» иккис этаба ыытылынна. Барыта 29 оҕо кыттыыны ылла.

Егор Афанасьевич Борисов аатынан киин библиотека уонна Прасковья Ильинична Борисова аатынан «Улыбка» уһуйаан холбоһуктаах бырайыактарын аһыллыытыгар, Оҕо библиотеката тэрийэр «Аптаах саппыйачаан» туһунан билиһиннэрдэ уонна кинигэлэрин «Уми-зуми» орто бөлөх иитиллээччилэрин төрөппүттэригэр туттардыбыт.