«Библиоканикулы» күнүскү лааҕыр 2 сезона түмүктэннэ
Барыта 9 алын сүһүөх оскуола саастаах оҕолоро нэдиэлэ устата ааҕыы лааҕырыгар сырыттылар. Манна оҕолор бэйэ-бэйэлэрин кытта билсэн, күн аайы сахалыы хоһоон, остуоруйа кинигэтин аахтылар, мүнүүтэҕэ ааҕан холоннулар, араас интеллектуальнай, «Айар» кинигэ кыһата таһаарбыт араас остуол оонньууларын боруобалаатылар уонна хамсаныылаах оонньууларга күрэхтэстилэр. Түмүктүүр күҥҥэ оҕолор бэйэлэрин сөбүлүүр дьарыктарын туһунан кэпсээтилэр, дьоҕурдарын көрдөрдүлэр. Хас биирдии оҕоҕо минньигэс бириис уонна анал аат туттардыбыт.
