«Библиоканикулы» ааҕыы лааҕыра 4 сезонун түмүктээтэ
От ыйын 20-28 күннэригэр ааҕыы лааҕырын 4 сезонугар аҕыс алын кылаас үөрэнээччилэрэ сырыттылар. Лааҕыр «Төрөөбүт тыл биһигэ» киин иһинэн ыытыллан оҕо төрөөбүт тылынан ааҕар уонна саҥарар дьоҕурун сайыннарыыга, билиитин кэҥэтиигэ, кинигэ культуратыгар үтүө сыһыаны иитээһиҥҥэ анаммыта. Сезон устата оҕолор саҥа кинигэлэри кытта билсэн, араас сорудахтары толорон, бэйэ-бэйэни кытта алтыһан билиилэрин-көрүүлэрин кэҥэттилэр, ааҕар, кэпсиир, истэр сатабылларын сайыннардылар. Сайыҥҥы сынньалаҥы туһалаахтык атаардылар.
