«БиблиоКаникулы» сайыҥҥы ааҕыы лааҕыра 3 сезонун түмүктээтэ
От ыйын 6-14 күннэригэр «Библиоканикулы» күнүскү ааҕыы лааҕырын 3 сезонугар 10 алын кылаас үөрэнээччитэ сырытта. Нэдиэлэ устата оҕолор күн ахсын саҥаттан саҥа кэпсээннэри, остуоруйалары, хоһооннору кытта билсэллэр, араас сорудахтары толордулар, төрөөбүт тылынан ааҕалларын күннэтэ тупсарадылар. Ону таһынан бэйэ-бэйэни кытта биир тыл булан хамаандаҕа үлэлиир, бэйэ санаатын этэр, бэйэ-бэйэни болҕомтолоохтук истэр, ааҕыыга айымньылаахтык сыһыаннаһар сатабылларын сайыннардылар. Сынньалаҥҥа таһырдьа оонньууллар, остуол араас оонньуутун холоннулар, А.А.Саввин аатынан история уонна этнография түмэлигэр экскурсияҕа сырыттылар. Түмүктүүр күннэ оҕолор бэйэлэрин дьоҕурдарын көрдөрөн дохсун ытыс тыаһынан, минньигэс бириистэринэн сыаналаннылар.
