«Сила Книги» акция
Ыам ыйын 27 күнүгэр Бүтүн Арассыыйа үрдүнэн Бибилэтиэкэ күнэ бэлиэтэнэр. Бу күн ааҕыыны үрдэтэр сыалтан, уопсастыбаннаһы уонна иһитиннэрэр биллэрэр ситим болҕомтотун библиотекаҕа тардар инниттэн сылын аайы өрөспүүбүлүкэтээҕи ситимнээх «Сила Книги» акция тэриллэр.
Быйыл Арассыыйаҕа Норуоттар сомоҕолоһууларын сылынан, «Сила Книги» акцияҕа ааҕыы төрөөбүт тылынан ыытылынна. Ол курдук, бүгүн биһиэхэ ыалдьыттыы кэллэ РФ уонна СӨ доруобуйатын харыстабылын туйгуна, «Гражданскай килбиэн» бэлиэ хаһаайына, СӨ доруобуйатын харыстабылын үтүөлээх үлэһитэ, 2026 с. СӨ «Үлэ киһитэ» бириэмийэтин хаһаайына, П. Н. Сокольников аатынан Чурапчы киин балыыһатын клиническэй — диагностическай лабораториятын уонна доруобуйа харыстабылын түмэлин сэбиэдиссэйэ, элбэх кинигэ ааптара Любовь Михайловна Григорьева.
Кини оҕо сылдьан дьиэ кэргэнинэн сөбүлээн аахпыт Т. Е. Сметанин «Куоска олоҥхото» хоһоонун аахта. Истээччилэринэн буоллулар С. А. Новгородов аатынан 4 «г» кыл. үөрэнээччилэрэ (кыл.сал. С. А. Седалищева). Любовь Михайловна оҕолору кытта айымньы тула кэпсэтистэ уонна улааттахтарына туох идэлээх дьон буолуохтарын ыйыталаһан сэһэргэстэ.
https://vkvideo.ru/video-236094686_456239087
