Ыам ыйыгар «Мааны ыалдьыттар»
Оҕо төрөөбүт тылынан ааҕарын көҕүлүүр «Төрөөбүт тыл биһигэ» киин тылынан уус — уран айымньы муҥутуур чыпчаалын — олоҥхону оҕоҕо тиэрдэр сыалтан Олоҥхо киинин «Мааны ыалдьыт» бырайыагынан бииргэ үлэлэһэр. Сүрүн сыалбыт — оҕо төрөөбүт тылын баайын истэ, иҥэринэ үөрэниитэ. Олоҥхону истии, ыам ыйын 19 күнүгэр, Чурапчы нэһилиэгин С. А. Новгородов уонна И. М. Павлов ааттарынан орто оскуолалар үөрэнээччилэригэр тэрилиннэ. Бүгүн «Дьулуруйар Ньургун Боотур» уонна «Хара Дьоруо аттаах Хара Ньургун бухатыыр» олоҥхолортон быһа тардыылары иһиттилэр.
Хатылы нэһилиэгиттэн ыалдьыттарбыт Кирик уонна Нарыйаана Кривошапкиннар, үгэс быһыытынан толоруллар олоҥхону, бэрт сэргэхтик толордулар. Нарыйаана В.С.Соловьев — Болот Боотур аатынан Хатылы орто оскуолатын иккис кылааһын үөрэнээччитэ, Кирик «Ньургуһун» уһуйаан иитиллээччитэ.
Бу сигэнэн киир:
https://vkvideo.ru/video-236094686_456239086
