Кыайыы күнүн көрсө «Эбэ ааҕар»
Россия чулуу учуонайа М.В.Ломоносов: «Бэйэтин ааспыт устуоруйатын билбэт норуот — инникитэ суох норуот» диэн этиитигэр тирэҕирэн, сэрии ыар сылларыгар саха саллаатын хорсун быһыытын туһунан оҕо-аймахха тиэрдэр баҕаттан «Төрөөбүт тыл» биһигэ киин «Эбэ ааҕар» тэрээһинин Кыайыы күнүгэр анаата. Бу тэрээһиҥҥэ «75 кэпсээн: сэрии туһунан оҕолорго» кинигэттэн «Сахалар — Сталинград уотугар» кэпсээнигэр биир дойдулаахпыт аатырбыт артиллерия снайпер-бронебойщига Г.Д.Протодьяконов, «Ильмень күөл кутурҕана» кэпсээҥҥэ 597 саха саллаата 19-с хайыһар биригээдэтигэр баарын уонна хайдах сэриилэспиттэрин туһунан аахта, ырытыы оҥордо, кэпсээтэ Саха Республикатын үөрэҕириитин туйгуна, үлэ ветерана, педагог-библиотекарь, эйэҕэс эбэ А. Е. Аргунова, . Тэрээһиҥҥэ ыалдьыттаатылар С.А.Новгородов аатынан орто оскуола 4 «д» кылааһын үөрэнээччилэрэ (кыл. сал. Неустроева К.А.).
Бу сигэнэн киир:
https://vkvideo.ru/video-236094686_456239079
