Детская библиотека

Ыам ыйын 6 күнүгэр Е. А. Борисов аатынан киин бибилэтиэкэҕэ Чурапчы нэһилиэгин уһуйааннарын доруобуйаларынан хааччахтаах оҕолоругар «Хоһоон хонуута» уус-уран ааҕыы күрэҕэ ыытылынна. Бу күрэҕи оҕо төрөөбүт тылынан ааҕарын көҕүлүүр «Төрөөбүт тыл биһигэ» киин тэрийэн ыытта. Тэрээһиҥҥэ нэһилиэкпит 7 уһуйааныттан 36 оҕо кыттыыны ылла. Бу күрэх оҕону уһуйаан сааһыттан саҕалаан өйтөн ааҕар дьоҕурун сайыннарыыга, төрөөбүт тылга, төрүт үгэскэ уонна кинигэҕэ тапталы иҥэрэр сыаллаах тэрилиннэ. Күрэххэ оҕо суруйааччылара Алексей Татаринов — Удьурҕай «Сахалыы оонньуурдар», Татьяна Винокурова — Сабыйа «Оотой — тоотой оҕолорго», Луиза Андреева «Тыыныы гимнастиката», Иннокентий Сыроватскай — Дүөндүн «Бэйэм ааҕарым үчүгэйин» оҕолорго анаан суруйбут хоһооннорун биирдиилээн аахтылар. Тэрээһин саҕаланыытыгар С. А. Новгородов аатынан Чурапчы орто оскуолатын 3 «а» кылааһын үөрэнээччитэ Эвелина Васильева бэйэтин музыкальнай эҕэрдэтин тиэртэ (салайааччы Л. Ю. Макарова)

Дьүүллүүр сүбэҕэ үлэлээтилэр: «Чурапчы нэһилиэгэ» тыа сирин түөлбэтин исписэлииһэ Мария Петровна Матвеева, «Чурапчы улууһа» муниципальнай оройуонун «Уйулҕа, иитии-үөрэтии, чөл турук уонна олох-дьаһах өттүнэн көмөнү оҥорор киин» салайааччыта Антонина Семеновна Капрынова, ону тэҥэ С. А. Новгородов аатынан Чурапчы орто оскуолатын педагог — тьютора Римма Гаврильевна Дьячковская.

Түмүк тахсар кэмигэр остуоруйа дьоруойа Дьэгэ — Бааба киирэн сахалыы таабырыннары таайтаран оҕолор болҕомтолорун тарта.

Түмүк:

Улахан бөлөххө:

I миэстэ — Заровняева Арина «Туллукчаан» оҕо сайдар киинэ (сал. Ермолаева Л. И., Сивцева П. В.)

II миэстэ — Никулин Айхал «Березка» уһуйаан оҕо тылын сайыннарар киин (сал. Захарова О. Х., Колесова А. А.)

III миэстэ — Никулина Алгыстаана «Березка» уһуйаан оҕо тылын сайыннарар киин (сал.Попова Л. И., Андреева Т. Н.)

Хайҕал сурук — Карпов Данил «Улыбка» оҕо сайдар киинэ (сал. Оконешникова Ю. С.)

Хайҕал сурук — Беляева Тея «Улыбка» оҕо сайдар киинэ (сал. Митина М. П.)

Хайҕал сурук — Шадрина Дайаана «Чуораанчык» оҕо сайдар киинэ (сал. Корякина М. И.)

Хайҕал сурук — Сидоров Филипп «Кэскил» оҕо сайдар киинэ (сал. Макарова П. Е., Харитонова Н. М.)

Хайҕал сурук — Никитина Карина «Кэскил» оҕо сайдар киинэ (сал. Попова И. В.)

Хайҕал сурук — Никифорова Мичийэ «Чуораанчык» оҕо сайдар киинэ (сал. Корякина М. И.)

Бэлэмнэнии бөлөххө:

I миэстэ — Тарабукина Алисия «Туллукчаан» оҕо сайдар киинэ (сал. Макарова А. Н.)

II миэстэ — Петрова Алеся «Кыталык» оҕо сайдар киинэ (сал. Оконешникова З. А., Федорова Л. П.)

III миэстэ — Малышев Егор «Мичил» оҕо сайдар киинэ (сал. Батарина Е. С., Фомина В. А.)

Хайҕал сурук — Ортоюков Айсен «Березка» уһуйаан оҕо тылын сайыннарар киин (сал. Петрова Л. И., Андреева Т. Н.)

Хайҕал сурук — Максимов Айасхаан «Улыбка» оҕо сайдар киинэ (сал. Оконешникова Ю. С.)

Оҕолор бары кыһаллан туран бэлэмнэнэн, оҥостон кэлбиттэриттэн олуһун диэн үөрдүбүт. Бары кырачаан кыттааччыларга, иитээччилэргэ, төрөппүттэргэ, дьүүллүүр сүбэҕэ барҕа махталбытын тиэрдэбит. Барыгытыгар дьолу-соргуну, үгүс үөрүүнү, ситиһиилэри баҕарабыт.