«Уостан түспэт номохтор»
А. П. Гоголев аатынан Оҕо ускуустуба оскуолатын фольклорнай кылааһын “Кустук” бөлөҕүн үөрэнээччилэрин, хомуска дьүрүскэннэринэн (сал. Р. В. Петрова) бүгүҥҥү тэрээһиммит саҕаланна.
Бүгүн, муус устар 29 күнүгэр, оҕо төрөөбүт тылынан ааҕарын көҕүлүүр “Төрөөбүт тыл биһигэ” кииҥҥэ «Уостан түспэт номохтор» өбүгэ үһүйээннэрин, номохторун уус — ураннык кэпсиир күрэх, бастакытын ыытылынна. Кыттааччыларынан Чурапчы нэһилиэгин үс оскуолатын: С. А. Новгородов аатынан, И. М. Павлов аатынан орто оскуолалар уонна С.К. Макаров аатынан улуустааҕы гимназия 5,6,7,8 кылааһын үөрэнээччилэрэ икки бөлөххө арахсан кыттыыны ыллылар.
Күрэхпит сыала-соруга:
— ϴбүгэ саҕаттан уостан уоска кэпсэнэр норуот үһүйээннэрин, номохторун киэӊ араӊаҕа тарҕатыы, билиһиннэрии, сөргүтүү;
— Кэлэр кэнчээри ыччаттарбытыгар саха төрүт үһүйээннэрин, номохторун нөҥүө ааҕыыны көҕүлээһин;
— Уус-ураннык сахалыы ыраастык кэпсиир дьоҕуру сайыннарыы.
Бу дириҥ ис хоһоонноох күрэх дьүүллүүр сүбэтинэн үлэлээтилэр:
Дария Пантелеймоновна Егасова – Саха Республикатын култууратын туйгуна, улуустааҕы киин библиотека исписэлииһэ.
Иван Иванович Бушков – П. М. Решетников аатынан Чурапчытааҕы норуодунай театр режиссера, Саха Республикатын култууратын үтүөлээх туйгуна.
Айылгы Муосчут кыыһа Пинигина – Саха Республикатын култууратын туйгуна, оройуоннааҕы “Айылгы” норуот айымньытын дьиэтин иһинэн, улуус уран уустарын түмэр “Ай” норуот студиятын салайааччыта.
Олус эппиэтинэстээх, киһи эрэ барыта аахпыты дьон иннигэр кэпсиирэ ыарахан күрэххэ, оҕолор олуһун диэн долгуйдулар, ол эрэн бэйэ бэйэлэрин истиһэн кэпсиир дьоҕурдара арыллан истэ. Дьүллүүр сүбэ кыайыылаахтары быһаарар кэмигэр, сахалыы толкуйу уһугуннара таарыйа библиотека үлэһиттэрэ таабырыннары таайтардылар. Күрэхтэргэ буоларын курдук кыайыылаахтар бэлиэтэннилэр:
5 — 6 кылаастарга
Мэҥэ сурук 1 таһыма — Гурьев Сеня 6 кыл. (С.К. Макаров аатынан улуустааҕы гимназия, сал. С. Н. Гоголева)
Мэҥэ сурук 2 таһыма — Макарова Айыына Куо 6 кыл. (С. К. Макаров аатынан улуустааҕы гимназия, сал. С. Н. Гоголева)
Мэҥэ сурук 3 таһыма — Сивцев Алик 5 кыл. (С. А. Новгородов аатынан орто оскуолата, сал. С. Д. Платонова)
Хайҕал сурук: — Соловьев Айтал 5 кыл. (С. А. Новгородов аатынан орто оскуолата, сал. С. И. Еремеева, В. К. Дьяконов)
7 — 8 кылаастарга
Мэҥэ сурук 1 таһыма — Павлов Максим 8 кыл. (И. М. Павлов аатынан орто оскуола, сал. Е. К. Монастырева)
Мэҥэ сурук 2 таһыма — Поисеев Миша 7 кыл. (С. К. Макаров аатынан улуустааҕы гимназия, сал. С. Н. Гоголева)
Мэҥэ сурук 3 таһыма — Седалищева Нарыйа 7 кыл. (С. А. Новгородов аатынан орто оскуолата, сал. Т. К. Матвеева, А. Г. Баягантаева)
Хайҕал сурук: — Андреев Боря, Рязанскай Максим 7 кыл. (С. А. Новгородов аатынан орто оскуолата, сал. Т. К. Матвеева, А. Г. Баягантаева)
Бары кыттыбыт оҕолорго, учууталларга махталбытын тиэрдэбит! Төрөөбүт дойдубут номохторун, үһүйээннэрин өссө үөрэтэн, ааҕан, саха саҥатын сайыннара, кэпсии-ипсии, билиһиннэрэ сылдьаргытыгар баҕарабыт.
