Аан дойду улуу композитордарын тыыннаах дорҕоонноро
Саха өрөспүүбүлүкэтигэр Култуура сылынан, Оҕо библиотекатын көҕүлээһининэн, А.П.Гоголев аатынан Оҕо ускуустуба оскуолатын фортепиано кылааһын үөрэнээччилэрэ кыттыылаах, улуу композитордар П.И. Чайковскай уонна В.А. Моцарт үбүлүөйдээх сылларыгар анаан, С. А. Новгородов аатынан Чурапчы орто оскуолатын 7 «б» кылааһын үөрэнээччилэригэр концерт-лекция ыытылынна. Лекцияны таһымнаахтык, оҕоҕо тиийимтиэ гына ыытта Оҕо ускуустуба оскуолатын, фортепиано кылааһын преподавателэ Светлана Павловна Макарова.
Тэрээһин сүрүн сыала-соруга: классическай музыкаҕа оҕолору угуйуу; В.А. Моцарт уонна П.И. Чайковскай айымньыларын иһитиннэрии, кинилэр музыкаларын уратытын билиһиннэрии, музыканы өйдүүргэ үөрэтии. Бу композитордар айымньыларын фортепиано кылааһын үөрэнээччилэрэ Местникова Күннэй, Слепцов Миша, Старостина Таня, Ким Света оонньоон иһитиннэрдилэр.
Бу сигэлэринэн киир:
https://vkvideo.ru/video-236094686_456239043
https://vkvideo.ru/video-236094686_456239072
