«Библиоканикулы» 1 сезона түмүктэннэ
Нэдиэлэ устата бэс ыйын 8 күнүттэн 17 күнүгэр дылы күнүскү лааҕырбыт 1 сезона үлэтин түмүктээтэ. Барыта 11 алын сүһүөх оскуола саастаах оҕолоро сырыттылар. Манна оҕолор күн аайы сахалыы хоһоон, остуоруйа кинигэтин аахтылар, мүнүүтэҕэ ааҕан холоннулар, араас интеллектуальнай, «Айар» кинигэ кыһата таһаарбыт араас остуол оонньууларын боруобалаатылар уонна хамсаныылаах оонньууларга күрэхтэстилэр. Оҕолор аахпыт хоһоонноругар иллюстрациялары ИИ көмөтүнэн хамсатан видеосюжет оҥорон таһаардыбыт. «Библиоканикулы сулустара» диэн лааҕыр түмүктэнэр күнүгэр оҕолор бэйэлэрин дьарыктарын, дьоҕурдарын көрдөрдүлэр. Лаа5ырга толору сылдьыбыт оҕолорбутугар минньигэс бириис уонна анал аат туттардыбыт.
