Кулун тутар ыйга үлэ саҕахтара
Кулун тутар 4 күнүгэр оҕо библиотекатыгар Снежана Егоровна Попова, Төлөй нэһилиэгин «Ай-тал» Саҥа көлүөнэ библиотекатын сүрүннүүр библиотекара, С. А. Новгородов аатынан Чурапчы орто оскуолатын 5 «г» кылааһын үөрэнээччилэригэр кэлэн ыалдьыттаата. Бу күн оҕолор аныгы кэм библиотекатын кытта видео-презентация нөҥүө билистилэр, манна библиотека араас зоналарын сэргии көрдүлэр: киинэ көрдөрөр, маастар кылаас, түмсүүлэр ыытыллар коворкинг хоһо, тренажернай зал, кафе, компьютернай зона.
Куруһуок оҕолоругар, Аан дойду дьахталларын күнүн көрсө ийэлэригэр анаан «Ийэбэр тюльпан», маастар-кылаас ыыттыбыт, саас кэлэн иһэрин бэлиэтээн Виктор Алданскай «Саас» кэпсээнин аахтардыбыт. Оҕолор ийэлэригэр анаан оҥорбут сибэккилэрин астынан, үөрэн-көтөн илдьэ бардылар.
Оҕолорго эрдэттэн идэ туһунан толкуйдуулларыгар диэн санааттан, «Про про профессии» диэн көрсүһүү тэрийдибит. «Выбирая профессию — выбираешь будущее» кинигэ быыстапкатын туруордубут. Ханнык идэлэр баалларын билсиһиннэрэ, С.А.Новгородов аатынан Чурапчы орто оскуолатын 8″б» кылааһын үөрэнээччилэрин, кылаас салайааччыта Баай Кэрэли Сидоровна сырытыннарда. Көрсүһүүгэ ханнык анал үөрэх кыһатыгар үөрэммиттэрин, ханнык идэни баһылаабыттарын туһунан «Үөрүү» оҕону эбии үөрэхтээһинин киинин специалистара Дайаана Петровна Степанова, Иван Иванович Григорьев, Александр Васильевич Иванов бэрт кэрэхсэбиллээхтик кэпсээтилэр, видео-материал, презентация көрдөрдулэр.
Алын сүһүөх үөрэнээччилэригэр аналлаах 10 күннээх «English club» интенсивнай курс кулун тутар 2 күнүттэн саҕаланна. Бастакы нэдиэлэ устата оҕолор таһымнарын кытта билсии, ааҕар, истэр, суруйар дьоҕурдарын сайыннарыыга араас дидактическай ньымалардаах дьарыктар буоллулар.
