Сахалартан бастакы тыл үөрэхтээҕэ С.А.Новгородов төрөөбүт күнэ
Сахалартан бастакы тыл үөрэхтээҕэ С.А.Новгородов төрөөбүт күнэ — олунньу 13 күнэ. Бу күнү көрсө Оҕо библиотеката нэдиэлэ устата үлэ араас көрүҥүн ыытта. Нэһилиэкпит оскуолаларынан сылдьан, «С.А.Новгородов — бастакы сахалыы букубаардары төрүттээччи» -кини олоҕун, үлэтин, аатын үйэтитии туһунан презентация бэлэмнээн кэпсээтибит, таабырын таайтардыбыт, сахалыы тылы таайыыга кроссенс оонньоттубут.
Саха тыла сайдыытыгар биир сүҥкэн оруоллаах суруйааччыбыт, саха литературатын историятыгар маҥнайгы литературнай критик А. А. Иванов — Күндэ «Төрөөбүт тыл» хоһоонунан, сахалыы тылбыт күүһүрэрин туһугар челлендж саҕалаабыппыт. Бу ссылканан киирэн көрүҥ: https://t.me/detsbibchur/992
СӨ Национальнай бибилэтиэкэтин «Оҕо арыллар, ааҕар киинэ» тэрийэн ыытар «Таптыыр сахам тылынан…» өрөспүүбүлүкэтээҕи дьыктааныгар 3-8 кылаас оҕолорун кытыннардыбыт. Барыта 97 оҕо суруйда.
Библиотекабыт иһинэн тэриллибит «Төрөөбүт тыл биһигэ» киин уонна «Олоҥхо киинин» «Мааны ыалдьыт » бырайыагынан, олоҥхоһуту иһиттибит. Бастакы ыалдьыппыт, Н.Д.Кривошапкин- Уот Субуруускай аатынан Болтоҥо орто оскуолатын 5 кылааһын үөрэнээччитэ Сайаан Максимов, П.А.Ойуунускай «Ньургун Боотур» олоҥхотуттан толордо. истээччилэр С. А. Новгородов аатынан орто оскуола 5 кылаас үөрэнээччилэрэ, уопсайа 108 оҕо.
Бу ссылканы баттан киир: https://t.me/detsbibchur/999
Бу курдук, саха норуотун үөрэхтээбит чулуу учуонайбыт С.А.Новгородов аата умнуллубакка, кэлэр кэнчээри ыччаккка кэпсэнэ турдун.
