Саха норуотугар өрүү тыыннаах Ойуунускай
Сэтинньи 9, 10 күннэригэр С. А. Новгородов аатынан Чурапчы орто осколатын 5-8 кылааһын үөрэнээччилэригэр сахалартан бастакы учуонай, революционер, общественнай политическай деятель, Саха Автономнай Советскай Социалистическай Республикатын төрүттээччилэртэн биирдэстэрэ, саха советскай литературатын төрүттээччи, суруйааччы, бөлүһүөк Платон Алексеевич Ойуунускай төрөөбүтэ 130 сылыгар аналлаах «Саха норуотугар өрүү тыыннаах Ойуунускай» диэн сырдатыы чаастарын ыыттыбыт. Манна биһиги П. А. Ойуунускай олоҕун, айар үлэтин туһунан сырдаттыбыт, кинигэлэрин билиһиннэрдибит, викторина ыыттыбыт.
