Детская библиотека

Ахсынньы ый бастакы нэдиэлэтигэр Оҕо библиотекатыгар саҥа кинигэ кэлэн оҕо интэриэһин татта. «Час с книгой» куруһуокпут оҕолоругар саҥа кинигэлэри билиһиннэрдибит. Оҕолор кинигэлэри сэҥээрэ көрдүлэр. Ордук 4 «д» кылаас оҕолоро сэргээн виммельбух, комикс, военнай техника туһунан кинигэлэри сэргэ, кэпсээннэрир дьиэҕэ ааҕарга уларыстылар.

Ахсынньы ый 5 күнүгэр А.П. Гоголев аатынан Оҕо ускуустуба оскуолатын дьиэтигэр, Оҕо библиотеката төрүттэммитэ 70 сылыгар анаан, «Бииргэ аа5абыт» дьиэ кэргэнинэн аа5ыы, улуустаҕы бэстибээлин тэрийэн ыыттыбыт. Манна нэһилиэктэртэн хас биирдии дьиэ кэргэн «Мин дьиэ кэргэним сөбүлүүр кинигэтэ» диэн ааҕыыга угуйар буктрейлер күрэҕэр кытыннылар. Миэстэҕэ тиксибит дьиэ кэргэн грамотанан уонна сертификаттарынан наҕараадаланнылар. Иккис джем-сейшн «Лучше всех» түмүктүүр түһүмэххэ барыта 9 дьиэ кэргэн кинигэ көмөтүнэн бэйэлэрин сөбүлүүр дьарыктарын булбуттарын көрдөрдүлэр.

Бу күн бэстибээл чэрчитинэн «Улыбка» уһуйаан дьиэ кэргэттэригэр ыытыллыбыт «Мир сказки» интерактивнай оонньуу — биктэриинэ кыайыылаахтарын чиэстээтибит. Манна барыта 11 дьиэ кэргэн кыттыыны ылбыта.

Дьиэ кэргэттэргэ анаан «Кинигэ-дьиэ кэргэни түмэр» кинигэ быыстапката турда.