«Төрөөбүт тыл биһигэ» киин
«Мааны ыалдьыт» олоҥхоһуту истии. Олоҥхону толорооччу Н.Д. Субуруускай аатынан Болтоҥо орто оскуолатын үөрэнээччитэ, 11 саастаах. «Дьулуруйар Ньургун Боотур» олоҥхоттон быһа тардыы. Истээччилэр С. А. Новгородов аатынан орто оскуола 5 кылаас үөрэнээччилэрэ, уопсайа 108 оҕо.
- Оҕо төрөөбүт тылынан ааҕарын көҕүлүүр «Төрөөбүт тыл биһигэ» киин арыллыытыттан сюжет
- Тыл күнүгэр аналлаах челленджка ыҥырыы С. А. Новгородов аатынан 4 «д» кылаас үөрэнээччилэрэ.
- В.С.Яковлев — Далан аатынан Кытаанах орто оскуолата
- С. А. Новгородов аатынан 8 «в» кылаас үөрэнээччилэрэ.
- С. А. Новгородов аатынан 2 кылаас үөрэнээччилэрэ.
- «Төрөөбүт тыл ыллыгынан» сахалыы эйгэҕэ дьарык
- Олунньу 16-20 күннэригэр, бастакы кылаас үөрэнээччилэригэр эбии сынньалаҥ кэмигэр, Оҕо библиотекатыгар «Төрөөбүт тыл ыллыгынан» сахалыы эйгэ тула дьарык ыытылынна. Манна оҕолор сахалыы кылгас кэпсээннэри аахтылар, ыйдар, кыыллар, көтөрдөр сахалыы ааттарын билсэн ыйытыктарга эппиэттээтилэр, таабырын таайдылар. «Муҥха», «Дьыл оҕуһа», «Тымныы оҕуһа» ойуулуктары сэҥээрэ көрдүлэр, «Айар» кинигэ кыһата таһаарар остуол оонньууларын умсугуйа оонньоотулар. Дорҕоонноохтук ааҕыынан Василина Попова «Тарбахтар», Василий Ушницкай-Сэки»Сулустар уонна ый» остуоруйалары иһиттилэр. «Таал-таал эмээхсин» норуот остуоруйатын сыахай куукулаларынан билиһиннэрдибит, ону бэйэлэрэ хатылаан эмиэ оонньоон көрдөрдүлэр. Уонна онтон наһаа үөрдүлэр. Кылгас кэм иһигэр оҕолор элбэҕи биллилэр, иллэҥ кэмнэрин туһалаахтык атаардылар.
- «Эбэ ааҕар» ааҕар эбэ: Прасковья Ивановна Попова, Софрон Данилов «Маанчаары»
- Олунньу 20 күнүгэр, «Төрөөбүт тыл биһигэ» киин иһинэн, «Эбээ ааҕар» көрсүһүүгэ Саха Республикатын үөрэҕириитин туйгуна, РФ уопсай үөрэхтээһинин бочуоттаах үлэһитэ, Россия журналистарын союһун чилиэнэ, Прасковья Ивановна Попова С.А.Новгородов аатынан орто оскуола 5 «в» кылааһын үөрэнээччилэригэр С.Данилов «Манчаары» сэһэниттэн аахта. Прасковья Ивановна оҕолору кытта сөптөөх сыһыаны олохтоон сүрдээх интэриэһинэй, оҕо болҕомтотун тардар, оҕо дьоҕурун көрдөрөр, кинигэ тула истиҥ кэпсэтии таҕыста.
- Тохсунньу 23 күнүгэр аан дойдуга Илиинэн суруйуу күнүнэн 3-8 кылаас оҕолоругар анаан «Бастыҥ буочар» күрэҕэ ыытылынна. Манна оҕолор кылгас кээмэйдээх сахалыы тиэкистэри сыыһата суох, кырасыабай буочардарынан суруйарга холонон көрдүлэр. Ол курдук бастакы бөлөххө: 3-4 кылаас оҕолоро — Исай Никифоров «Түүҥҥү булчут»; 5-6 кылаас оҕолоро — Исай никифоров «Туу»; 7-8 кылаас оҕолоро — Варвара Антонова «Киһилээх хайа» кэпсээннэриттэн суруйдулар. Уопсайа 57 оҕо кыттыыны ылла.
- Бу тэрээһин сыала-соруга билиҥҥи аныгы цифровой технология күүскэ сайдан турар кэмигэр, дьон-сэргэ компьютерга эбэтэр телефоҥҥа бэчээттиир буолан, илиинэн суруйуу суолтата мөлтөөн эрэринэн, сурукка-бичиккэ болҕомтону ууруу буолар
- «Өс хоһоону ситэр…» С.А.Новгородов аатынан Чурапчы орто оскуолата
«Эбэ ааҕар» ааҕар эбэ: Анастасия Егоровна Аргунова, Мария Федотова-Нулгынэт «Доҕордуулар» остуоруйа
Кулун тутар 13, «Төрөөбүт тыл биһигэ» киин иһинэн, «Эбэ ааҕар» көрсүһүү сүрүн дьоруойа, ыалдьыта библиотекарь идэлээх «Саха Республикатын үөрэҕэриитин туйгуна» эйэҕэс эбэ уонна хос эбэ Анастасия Егоровна Аргунова. Кини Мария Федотова-Нулгынэт «Доҕордуулар» остуоруйатын аахта, ис хоһоонун ырытыста, таабырын таайтарда. «Кыталык» уһуйаан бэлэмнэнии бөлөҕүн оҕолоро кэлэн остуоруйа истэн, үөрэ-көтө кинигэ, сурунаал көрөн, таабырыны билэллэринэн сөхтөрөн бардылар.
- «Ноо!-дэтэн чуопчаарыах» олоҥхону толоруу бэстибээлэ.
- Өс хоһооннорун, сахалыы ыйдары тарҕатыы
- «Эбэ ааҕар» ааҕар эбэ: Екатерина Николаевна Макарова, Жанна Барашкова «Куобахчаан кэпсээнэ»
- Кулун тутар 28 күнүттэн – муус устар 5 күнүгэр диэри Арассыыйаҕа Оҕо кинигэтин нэдиэлэтэ ыытыллар. 1943с. Аҕа дойду Улуу сэриитэ үгэннээн турар кэмигэр, оҕо суруйаачыта Лев Кассиль оҕолору өйүүр сыалтан, төрүттээбит бырааһынньыга, билиҥҥи кэмҥэ дылы тэриллэр. Оттон биһиги «Төрөөбүт тыл биһигэ» кииммит “Эбэ ааҕар” тэрээһинин, Оҕо кинигэтин нэдиэлэтин чэрчитинэн, ыытта. Бу тэрээһиҥҥэ библиотека бэтэрээнэ, эйэҕэс эбэ Екатерина Николаевна Макарова кэлэн, биир дойдулаахпыт саха тылын учуутала идэлээх Жанна Барашкова «Куобахчаан кэпсээнэ» остуоруйатын ааҕан иһитиннэрдэ. Остуоруйаны С. А. Новгородов аатынан орто скуола 1 «б» кылааһын оҕолоро иһиттилэр (сал. Татьяна Дмитриевна Барашкова). Остуоруйаны истэн оҕолор ыйытык биэрдилэр, ордук тугу сөбүлээбиттэрин эттилэр. Тэрээһин бүтүүтэ оҕолорго, куар-кодунан киирэн ааҕыллар, биир дойдулаахпыт Р.И. Корякина — Хотууна остуоруйаларын закладка оҥорон бэлэхтээтибит.
