«Аа5ар дьиэ кэргэн»
Алтынньы ый 16-25 күннэригэр «Ааҕар дьиэ кэргэн» фестиваль чэрчитинэн хаартыска күрэҕэ биллэриллибитэ. Манна Чурапчы улууһун Хадаар, Кытаанах, Толоон, Арыылаах, Чакыр, Хатылы, Мындаҕаайы, Мугудай, Чурапчы нэһилиэктэриттэн барыта 22 дьиэ кэргэн кыттыыны ылла. Күрэх сүрүн усулуобуйата — төрөппүт оҕотун кытта кинигэ ааҕа олорорун көрдөрүү. Дьүүллүүр сүбэ быһаарыытынан 1 миэстэни — Чурапчы нэһилиэгиттэн Собакиннар, 2 миэстэ — Платоновтар, 3 миэстэ — Хадаар нэһилиэгиттэн Элла Тарасова төрөппүттэрин кытта. Хаартысканан дьүһүйүүлэр бары да үчүгэйдэр, онон кыттыбыт дьиэ кэргэттэрбитигэр уонна нэһилиэк библиотекардарыгар, алын сүһүөх оскуола учууталларыгар бу үлэни өйөөбүттэригэр улахан махталбытын тиэрдэбит.
