Оскуолаларга — «Мааны ыалдьыт»
Икки күн устата оҕо төрөөбүт тылынан ааҕарын көҕүлүүр «Төрөөбүт тыл биһигэ» киин көҕүлээһининэн «Мааны ыалдьыт» диэн Олоҥхо киинин бырайыагынан Чурапчы нэһилиэгин оскуолаларыгар олоҥхону истии тэрилиннэ. Ол курдук, муус устар 8 күнүгэр С. А. Новгородов аатынан орто оскуола үөрэнээччилэрэ, онтон муус устар 9 күнүгэр И. М. Павлов аатынан орто оскуола уонна С. К. Макаров аатынан улуустааҕы гимназия оҕолоро Чурапчы улууһун биир биллиилээх, талааннаах олоҥхоһута Иосиф Дмитриевич Оконешников — Мундууска Уола (Мундуска Уоһук) «Тамаллаайы Бэргэн» олоҥхотуттан быһа тардыыны иһиттилэр.
Олоҥхону үгэс быһыытынан толорор «Оллоон» бөлөх олоҥхоһуттара «Тамаллаайы Бэргэн» олоҥхоттон быһа тардыыны бэрт сэргэхтик толордулар. Оҕолор сэҥээрэн, сэргээн олорон иһиттилэр.
Бу сигэлэринэн киир:
https://vkvideo.ru/video-236094686_456239069
https://vkvideo.ru/video-236094686_456239070
