Кулун тутар ый. Оҕо библиотекатыгар «Эбэ ааҕар» салҕанар…
Кулун тутар ый иккис нэдиэлэтигэр оҕолорго, юбилейдаах суруйааччылар И.Артамонов, П.Одорусов, П.Харитонов – Ойуку, А.Старостин — Сиэн Кынат оҕолорго суруйбут кинигэлэрин билиһиннэрдибит уонна хоһооннорун аахтардыбыт.
Саха сиригэр кинигэ бэчээттэммитэ 100 сылынан, С.А.Новгородов аатынан орто оскуолаҕа кинигэ быыстапкатын туруордубут. Манна кинигэ сайдыытын кердерер «Айар», эрдэ «Бичик», кинигэ кыһатыгар бэчээттэнэн тахсыбыт сериялар киирдилэр: «Выдающиеся люди республики», «Республика бочуоттаах гражданиннара», «Саха киэн туттар дьоно», «Саха оскуолата», «Кырачааннарга», «Билэ-көрө үөрэнэбин». Бу, кэмиттэн кэмигэр уларыйа турар балаҕан ыйыгар дылы ыытыллар быыстапка.
Алын кылаас оҕолоругар аналлаах, аангылыйа тылыгар, дьарык салгыы ыытылынна. Оҕолор дьарыгы сэҥээрэн көтүппэккэ сырыттылар. Таарыйа сэҥээрбит кинигэлэрин ойуутун көрөн, ааҕан уонна оонньоон бараллар.
Оҕоҕо өбүгэ номоҕун, олоҕун — дьаһаҕын, сиэрин-майгытын, олоххо дьулуурун, киһи киһиэхэ сыһыанын сырдатар, кэлэр көлүөнэҕэ иҥэрэр сыалтан «Өс хоһоонун ситэр…» библиотечнай сэлэни ыыттыбыт. Бу ньыма, хас биирдии оҕо өс хоһооннору билсэн, дириҥ ис хоһооннорун өйдөөн, бэйэтин толкуйун эбэн, саха тылын күүһүн билэригэр, ону таһынан, төрөөбүт тылыгар таптала күүһүрэригэр туһуланар.
Бу сигэнэн киирэн көр: https://vkvideo.ru/video-236094686_456239063
«Эбэ ааҕар» сүрүн дьоруойа, ыалдьыта библиотекарь идэлээх «Саха Республикатын үөрэҕэриитин туйгуна» эйэҕэс эбэ уонна хос эбэ Анастасия Егоровна Аргунова. Кини Мария Федотова-Нулгынэт «Доҕордуулар» остуоруйатын аахта, ис хоһоонун ырытыста, таабырын таайтарда. «Кыталык» уһуйаан бэлэмнэнии бөлөҕүн оҕолоро кэлэн остуоруйа истэн, үөрэ-көтө кинигэ, сурунаал көрөн, таабырыны билэллэринэн сөхтөрөн бардылар. Иитээччи Прасковья Михайловна Игнатьеваҕа, уһуйаан улэһиттэригэр махталбытын биллэрэбит.
Бу сигэнэн киирэн көр: https://vkvideo.ru/video-236094686_456239064
Үлэ нэдиэлэтин бутэһик күнэ ситиһиилээхтик түмүктэннэ. Кулун тутар 13 күнүгэр Дьокуускай куоракка Н. Д. Неустроев аатынан «СМАРТ» библиотекаҕа «Навигатор-2026» бастакы өрөспүүбүлүкэтээҕи библиотечнай, профсоюзнай форум буолла. Манна «Проекты по сохранению родных языков» уонна «Проекты по продвижению чтения» хайысхаларга III степеннээх Дипломунан бэлиэтэннибит.
