Детская библиотека

Оҕо библиотекатыгар сэтинньи ый бастакы аҥарыгар Сомоҕолоһуу күнүгэр «4 ноября — День народного единства», «Мы разные, но мы едины» кинигэ быыстапката турбута, ону тэҥэ оҕолорго презентациялаах бэсиэдэни уонна араас омуктар оонньууларын ыыппыппыт.

Бүтүн Арассыыйатаа5ы «Символы России. ВОВ: путь к Победе» региональнай олимпиада бастакы түһүмэҕин түмүгүнэн, улахан баалы ылбыт оҕолор иккис түһүмэххэ аастылар. Манна уопсайа Чурапчы улууһун 7 нэһилиэгэ, Чурапчы нэһилиэгин 4 оскуолата, уопсайа 264 оҕо кыттыыны ылла.

Саха сирин бастакы президенэ Михаил Ефимович Николаев төрөөбүт күнүгэр аналлаах «Саха сирин бастакы президенэ» кинигэ быыстапкатын С. А. Новгородов аатынан Чурапчы орто оскуолатыгар туруорбуппут.

«Час с книгой» ааҕыы куруһуогун оҕолоругар «Структура книги», «История библиотеки» библиотечнай уруоктар, «Билсиҥ, саҥа кинигэлэр» сырдатар обзордар буолан ааспыттара.

«Мичил», «Улыбка» уһуйааннар бэлэмнэнии уонна улахан бөлөҕүн оҕолоругар «Сэтинньи ый-Байанай ыйа» — презентациянан бэсиэдэ уонна интерактивнай оонньуу сэргэхтик буолан ааста.