Детская библиотека

Сылын ахсын алтынньы 15 күнүгэр харахтарынан көрбөт эбэтэр куһаҕаннык көрөр дьоҥҥо, оҕолорго анаан «Белая трость» диэн күн бэлиэтэнэр . Бу күн суолтата көрбөт дьон кыахтарын, кыһалҕаларын уонна бырааптарын өйдөтүү, киэҥ араҥаҕа тарҕатыы буолар. Оҕо библиотеката сылын ахсын туора туран хаалбакка көрбөт уонна мөлтөхтүк көрөр дьон кыһалҕатын, быраабын оҕолорго тириэрдэр сыалтан араас хабааннаах тэрээһиннэри ыытар. Быйыл «Мир Един» аахсыйаҕа кыттан, бэйиэт, сахалартан бастакы тифлопедагог Иван Горнай төрөөбүтэ 90 сылыгар анаан медиа-уруок ыытылынна. Библиотекардар бу күн суолтатын, Иван Горнай олоҕун, айар үлэтин кытта билиһиннэрдилэр, хоһооннорун доргуччу аахтардылар. Брайль шрибынан суруллубут кинигэлэри оҕолор сэҥээрэ, интэриэһиргээн көрдүлэр, ааҕарга холоннулар, аудио кэпсээннэри сэргии иһиттилэр.

#МирЕдин2025