Детская библиотека

2017 сылтан сыл ахсын оҕо кинигэтин күнүн чэрчитинэн, Оҕо библиотеката ааҕар оҕолору көҕүлээн, БиблиоОлимпиада күрэҕин ыытар. Олимпиадаҕа кинигэ ааҕалларын саамай сөбүлүүр Чурапчы 3 оскуолатын, Кытаанах, Арыылаах, Чакыр 5-6, 7-8 кылааһын оҕолоро кыттыыны ыллыллар. Күрэх икки түһүмэҕинэн ыытылынна: бастакы түһүмэххэ кыттааччылар сөбүлээн аахпыт кинигэлэрин оҕолорго кэпсээн сырдаттылар, ааҕарга сүбэлээтилэр. Иккискэ олимпиада сорудахтарын толордулар. Сорудахтар библиографияттан, үбүлүөйдээх суруйааччылар олохторуттан, айар үлэлэриттэн, үбүлүөйдээх айымньылартан ыйытыктарга хоруйдаатылар уонна суругунан үлэни толордулар. Дьүүллүүр сүбэнэн Саха Республикатын культуратын туйгуна, Кииннэммит библиотечнай ситим сүрүннүүр библиограф-каталогизатора Егасова Дария Пантелеймоновна уонна Саха Республикатын культуратын туйгуна , оҕо библиотекатын методиһа Гуляева Екатерина Петровна үлэлээтилэр. Олимпиадаҕа элбэх баалы ылбыт оҕолор уонна аахпыт кинигэлэрин бастыҥнык көмүскээбит оҕолор миэстэҕэ таҕыстылар. Ол курдук, «Сөбүлээн аахпыт кинигэм» түһүмэххэ 1 м. Керемясова Нарыйаана Чурапчытааҕы гимназия, 2м Ушницкая Милана Павлов оскуолата, 3м. Дьячковская Тая Новгородов оскуолата. Олимпиадаҕа 5-6 кылаастарга: 1м. Павлов-Толбонов Виталий Павлов оскуолата, 2м. Беляева Милена Чурапчытааҕы гимназия, 3м. Каженкина Айна Новгородов оскуолата. 7-8 кылаастарга 1м. Ван-чу-лин Люба Чурапчы гимназия, 2м. Аммосова Айыына Кытаанах оскуолата, 3м. Сохсойоон Эрхаан Чакыр оскуолата ситиһиилэннилэр. Кыайыылаахтар «Ситим» маҕаһыын сертификаттарынан, мэтээллэринэн, грамотанан наҕараадаланнылар. Кыайыылаахтары, салайааччылары эҕэрдэлиибит!