«Өркөн өй» литературнай квест
Сылын ахсын ыытыллар «Өркөн өй» литературнай оонньуубут быйыл квест оонньуу быһыытынан буолан ааста. Үбүлүөйдээх суруйааччылар: С. А. Попов-Сэмэн Тумат, Г. И. Макаров — Дьуон Дьаҥылы, Н. В. Михалева — Сайа, И. В. Мигалкин — Кэрэли, И. Д. Винокуров — Чаҕылҕан, Е. С. Сивцев — Таллан Бүрэ, Д. С. Федоров — Дмитрий Таас, Т. Е. Сметанин, С. Р. Кулачиков — Эллэй, Л. А. Попов — Леонид Попов, С. И. Тарасов — Савва Тарасов айар үлэлэригэр, олохторугар ананна.
Оонньуу түөрт түһүмэҕинэн ыытылынна:
1 түһүмэх — «Сыллар, күннэр…»: суруйааччылар олохторугар, айар үлэлэригэр аналлаах ыйытыктар.
2 түһүмэх — «Суруйааччы уонна айымньы»: суруйааччыны уонна кини айымньытын булан сөпкө туруоруу.
3 түһүмэх — «Ырыа буолбут хоһооннор»: ырыа буолбут хоһооннордоох суруйааччы аатын, ырыаны истэн таайыы.
4 түһүмэх — «Таба таай»: суруйааччы икки тэҥ кинигэлэрин сөпке таайан туруоруу.
Оонньууга Чурапчы нэһилиэгин үс оскуолата кыттыыны ылла: И. М. Павлов аатынан орто оскуола, С. А. Новгородов аатынан орто оскуола, С. К. Макаров аатынан улуустааҕы гимназия. Тыҥааһыннаах киирсии түмүгүнэн: 1 миэстэ: С. А. Новгородов аатынан орто оскуола, 2 миэстэ: С. К. Макаров аатынан орто оскуола, 3 миэстэ: И. М. Павлов аатынан орто оскуола дипломнарынан уонна минньигэс бирииһинэн наҕараадаланнылар.
