«Сила книги» акция түмүктэннэ
Ыам ыйын 27 күнүгэр, Бүтүн Росстиятааҕы Библиотека күнүн көрсө, 6-с төгүлүн ыытыллар «Сила книги» акцияны иилээн-саҕалаан библиотекабыт сэбиэдиссэйэ Елена Николаевна Дьячковская ыытта. Бу дириҥ ис хоһоонноох дьаһалга оҕо ааҕыытын сэҥээрэр, библиотекаҕа сылдьыыны биһириир Ефремовтар дьиэ кэргэни ыҥырдыбыт. Ааҕааччыбыт Данил ийэтинээн Анна Юрьевналыын, Дьячковскай Иван Ионович-Кыталык Уйбаан суруйбут «Кустугу ситтэрбиэн…» кинигэтиттэн, быһа тардыыны аахтылар. Бу айымньыга олоҕуран уһуллубут «Кыталыктаах кырдалым» киинэ5э дьиэ кэргэнинэн сылдьан, олус диэн сөбүлээн, бу кинигэттэн ааҕарга быһаарыммыттар. Ааҕыы кыттыылаахтарын кытта кэпсэтиини уонна ааҕыыны С.А.Новгородов аатынан Чурапчы орто оскуолатын 3 кылааһын үөрэнээчилэрэ, Данил бииргэ үөрэнэр доҕотторо, учуутала Александра Петровна Ильинова сэргээн иһиттилэр.
