«Хотторботох Ленинград»
Ленинград куорат 1941 сыл балаҕан ыйын 8 күнүттэн 1944 сыл тохсунньу ый 27 күнүгэр диэри — 872 күн фашистар төгүрүктээһиннэригэр олорбута. Дьоннору быыһыыр соҕотох биир суол — «Дорога жизни» аатынан биллибит Ладога күөлэ этэ. Аччыктааһынтан, тохтоло суох буомбалааһынтан мөлүйүөнүнэн киһи сырдык тыына быстыбыта. Ленинград куораты көмүскээһиҥҥэ 2000 тахса саха сирин буойуттара олохторун толук уурбуттара. Бу кэриэстэбил күнү бэлиэтээн «Непокоренный Ленинград» кинигэ быыстапката турда, Сергей Алексеев «Подвиг Ленинграда» кинигэтиттэн кэпсээннэри дорҕоонноохтук ааҕыы, ис хоһоонун тула кэпсэтиһии буолан ааста.
