«Дьиэ кэргэнинэн ааҕыыны өйүүбүт»
Оҕо библиотеката дьиэ кэргэнинэн ааҕыы үгэһин өйүүр быйылгы тэрээһинигэр, 1-5 кылааска дылы үөрэнэр оҕолоох дьиэ кэргэҥҥэ, «Мин сөбүлүүр кинигэм», «Мин таптыыр суруйааччым» диэн лепбук оҥоһугар күрэх биллэрбитэ. Манна сэттэ нэһилиэктэн оҕолор уонна төрөппүттэр кытыннылар. Күрэх балаһыанньатынан сөпкө оҥоһуллубут лепбуктар кыайыылаах таҕыстылар: 1 миэстэни — Арыылаахтан Максимовтар, 2 миэстэни — Төлөйтөн Абрамовтар, 3 миэстэни — Кытаанахтан Пономаревтар. Манна сүбэ-ама буолбут, сүрүннээбит нэһилиэк библиотекардарыгар, кыттыбыт дьиэ кэргэттэргэ уруй — айхал!
Кыайыылаахтары сэтинньи 7 күнүгэр Оҕо библиотекатыгар биһирэбил бириис күүтэр!
